Эфектыўнасць работы вертыкалі ўлады неабходна павышаць неймаверна, каб выстаяць у шалёнай барацьбе. Пра гэта Прэзідэнт Беларусі Аляксандр Лукашэнка заявіў 27 чэрвеня, прымаючы кадравыя рашэнні.
Кіраўнік дзяржавы 27 чэрвеня прыняў шэраг важнейшых кадравых рашэнняў. Пры гэтым Аляксандр Лукашэнка заўважыў, што ўсе кандыдатуры – гэта ў асноўным маладыя, перспектыўныя людзі.
«Новае пакаленне. Тое, пра што я гаварыў: ідзе змена пакаленняў. Павінны прыйсці да ўлады, не толькі да кіравання асобнымі напрамкамі, маладыя, перспектыўныя і прафесіянальныя людзі. Непрафесіяналаў за сталом няма», – падкрэсліў кіраўнік дзяржавы.
Паводле яго слоў, новаму пакаленню кіраўнікоў на працягу некалькіх гадоў неабходна будзе рэалізоўваць усё, пра што ішла размова на праведзеным у красавіку VII Усебеларускім народным сходзе.
«Краіна павінна атрымаць добры ўрад, «правадныя рамяні» ад Прэзідэнта да ўрада праз Адміністрацыю. Павінен быць рэзультат і эфектыўнасць. Папярэджваю катэгарычна ўсіх: ніякай цяганіны і бюракратыі. Калі трэба вырашыць пытанне і вы бачыце, што яго можна вырашыць за дзень-два, вырашайце. Барані вас бог: з панядзелка мяне будуць, як і раней, інфармаваць па гэтай цяганіне і бюракратызме. Асабліва папярэджваю Адміністрацыю Прэзідэнта: міністры павінны бегаць, варушыцца. Калі недзе апарат урада не спрацаваў, падказвайце і строга патрабуйце, – паставіў задачу Аляксандр Лукашэнка. – Эфектыўнасць трэба павышаць неймаверна, калі мы хочам выстаяць у гэтай шалёнай барацьбе. Што адбываецца вакол, кожны з вас ведае». ■
Паводле матэрыялаў БелТА.
