Міжнародны фестываль мастацтваў «Славянскі базар у Віцебску» стаў сямейным святам і святам традыцыйных каштоўнасцей. Пра гэта Прэзідэнт Беларусі Аляксандр Лукашэнка заявіў на цырымоніі адкрыцця фестывалю.
«Сёння гэты фестываль аб’ядноўвае людзей розных пакаленняў, рэлігій і культур – сапраўдных знатакоў мастацтва з самымі рознымі перавагамі – ад авангарда да класікі. Але галоўнае – ён стаў сапраўды сямейным святам, святам традыцыйных каштоўнасцей. Тут жыхары і нашы госці сапраўды могуць адпачыць душой», – сказаў кіраўнік дзяржавы.
Ён выказаў словы ўдзячнасці ў адрас арганізатараў форуму, артыстаў, майстроў мастацтваў і ўсім, хто штогод прыязджае ў Беларусь на фестываль. «Дзякуючы вам гісторыя «Славянскага базару ў Віцебску» прадаўжаецца і будзе прадаўжацца і пасля нас. Разам з нашымі дзецьмі і ўнукамі», – падкрэсліў Прэзідэнт.
Кіраўнік дзяржавы аб’явіў ХХХІІІ Міжнародны фестываль мастацтваў «Славянскі базар у Віцебску» адкрытым.
Пры гэтым адкрыццё «Славянскага базару ў Віцебску» – гэта таксама заўсёды час трыумфу дзеячаў культуры, чыя творчасць аб’ядноўвае краіны і народы.
«І як бы хто-небудзь ні спрабаваў заглушыць і прыменшыць значэнне нашага фестывалю, нічога не атрымліваецца. Ён грыміць на ўсю планету», – упэўнены кіраўнік дзяржавы.
Аляксандр Лукашэнка ўручыў народнаму артысту Расіі Рыгору Лепсу галоўную прэмію фестывалю – спецыяльную ўзнагароду Прэзідэнта Беларусі «Праз мастацтва – да міру і ўзаемаразумення».
Таксама Прэзідэнт уручыў прэміі Саюзнай дзяржавы ў галіне літаратуры і мастацтва за 2023 –2024 гады людзям, якія ўнеслі значны ўклад ва ўмацаванне дружбы паміж народамі Беларусі і Расіі, і Гран-пры юнай пераможніцы Міжнароднага дзіцячага музычнага конкурсу «Віцебск» – вакалістцы з Узбекістана Ясміне Хуснідзінавай. ■
Паводле матэрыялаў БелТА.
