Прэзідэнт Беларусі Аляксандр Лукашэнка павіншаваў народ Малдовы з Днём Незалежнасці.
«Нашы народы з’яднаны трывалымі вузамі шматгадовай дружбы, заснаванай на агульных духоўных і маральных каштоўнасцях, культурных традыцыях, сумесным гераічным мінулым, – гаворыцца ў віншаванні. – У 2024 годзе абедзве краіны адзначаюць 80-годдзе вызвалення ад фашызму. У Беларусі беражліва захоўваюць памяць пра жыхароў Малдовы, якія загінулі за свабоду беларускай зямлі ў гады Вялікай Айчыннай вайны».
Кіраўнік дзяржавы падкрэсліў, што цяпер тысячы беларусаў, якія пражываюць у Малдове, і малдаван, якія звязалі сваё жыццё з Беларуссю, прадаўжаюць паспяхова працаваць, ствараць інтэрнацыянальныя сем’і, асабістым прыкладам дэманструючы адкрыты і стваральны характар нашых узаемаадносін.
«Мінск заўсёды разглядаў Кішынёў у якасці надзейнага партнёра і гатовы да аднаўлення канструктыўнага супрацоўніцтва. Толькі раўнапраўны і паважлівы дыялог даўніх сяброў і суседзяў здольны дапамагчы ў пераадоленні сучасных выклікаў», – звярнуў увагу Прэзідэнт.
Аляксандр Лукашэнка пажадаў усім грамадзянам Малдовы мірнага неба, стабільнасці і ўпэўненасці ў заўтрашнім дні. ■
Паводле матэрыялаў БелТА.
