За дзеючага Прэзідэнта Беларусі Аляксандра Лукашэнку, які ўдзельнічае ў электаральнай гонцы, ужо сабрана больш за 700 тыс. подпісаў. Пра гэта кіраўнік дзяржавы заявіў журналістам у час наведвання стадыёна «Трактар».
Прэзідэнт адзначыў, што пакуль у яго не было часу ўважліва сачыць за выбарчай кампаніяй, паколькі ў канцы года назбіралася дастаткова спраў, было шмат паездак як па краіне, так і за мяжу. Акрамя таго, неабходна было яшчэ пракантраляваць завяршэнне ўборачнай кампаніі.
«Людзей трэба накарміць. У нас сёння ёсць усё і нават больш за тое, што мы чакалі, – заявіў кіраўнік дзяржавы. – Аграрыі адзначаюць свята сваё святое. Дзякуй ім вялікі. Я нездарма паехаў па «Дажынках» – для таго, каб падзякаваць людзям і паглядзець зверху, як яны выконваюць мае даручэнні, асабліва як аруць глебу, паднімаюць зябліва. Гэта асноўная работа, якая ў нас засталася».
Збор подпісаў у падтрымку вылучэння кандыдатаў у Прэзідэнты стартаваў 7 лістапада і завершыцца 6 снежня 2024 года. Ажыццяўляць збор подпісаў могуць толькі члены ініцыятыўнай групы на пікетах (у месцах, не забароненых мясцовымі выканаўчымі і распарадчымі органамі), а таксама па месцы жыхарства, працы (службы) выбаршчыкаў.
Цяпер прадаўжаецца збор подпісаў у падтрымку вылучэння пяцярых кандыдатаў у Прэзідэнты.
Выбары Прэзідэнта Беларусі назначаны на 26 студзеня 2025 года.
Па матэрыялах БелТА.
