Султан Амана Хайсам бен Тарэк Аль Саід прапанаваў стварыць у краіне хаб беларускіх тавараў. Пра гэта Прэзідэнт Беларусі Аляксандр Лукашэнка заявіў журналістам у Маскаце.
«Султан прапанаваў стратэгічныя напрамкі супрацоўніцтва. Для нас вельмі важна, каб мы вызначылі пункт. Порт, можа, яшчэ нешта будзем глядзець. І адтуль пайшлі нашы тэхналогіі, якія ў Амане патрэбны. Таму мы будзем на беларускіх тэхналогіях ствараць тут сумесныя прадпрыемствы і будзем рухацца на захад, на ўсход, на поўнач адсюль з Індыйскага акіяна, прадаючы свае тавары, – сказаў Аляксандр Лукашэнка. – Вельмі добрую прапанову ўнёс Султан – стварыць тут хаб – такі цэнтр беларускіх тавараў. І я ўчора яму шчыра сказаў, што вырабляць мы навучыліся шмат чаго. Гандляваць – яшчэ не вельмі. Ну а яны здаўна (умеюць гандляваць. – Заўвага БелТА). І ў гэтым плане паабяцалі нам аказаць дапамогу. Словам, закрытых тэм наогул не было. Інтарэс вялікі ў Амана да Беларусі. Мы, напэўна, не вельмі актыўнічалі тут». «Гандлюючы спачатку таварамі, мы гатовы тут ствараць сумесныя прадпрыемствы і пашыраць тут вытворчасць і разам гандляваць на гэтым шляху. Гэта датычыцца вельмі многіх прадуктаў, тавараў. Мы пра гэта публічна не гаворым па пэўных прычынах», – заявіў Прэзідэнт. Аляксандр Лукашэнка нагадаў, што быў з візітам у Амане 17 гадоў таму, і ўжо тады пазнаёміўся з Хайсамам бен Тарэкам Аль Саідам, які цяпер з’яўляецца Султанам Амана. «Ён тады мяне сустракаў, суправаджаў. Таму мы ўжо з ім знаёмы. І нам лёгка было весці перагаворы», – падзяліўся кіраўнік дзяржавы. ■ Паводле матэрыялаў БелТА.
